كتب :: خالد فرحات
ازاى الننى بيلعب فى الارسنال؟ وهو كوبر مصمم ليه انه يلاعب الننى فى المنتخب لأ وكمان بيلعبه فى التشكيل الاساسى ؟ هو النينى بيعمل ايه فى الملعب ده مابيعملش حاجه وازاى يلعب ال90 دقيقة؟
اسئلة كتيرة تترد بين جماهير الكورة المصرية والاغرب ان نقاد ومحللى الاستوديهات الرياضية بيدعمو الراءى ده وبشكل غريب ومخيف
والسؤال الصحيح هو هل الننى بينفذ الدور المطلوب منه داخل الملعب ولا لاء؟
الاجابة اكيد .نعم
وده باين من اعتماد هيكتور كوبر على الننى بشكل كبير وعدم خروجة من التشكيل الاساسى او يتم تغيره اثناء اللقاء وبيكمل ال90 دقيقة كاملة .
الننى بطبعه مش لاعيب مبدع او مهارى مثل حسام غالى لكنه من نوعية اللعيبه اللى بيحبها المدرب لانه بينفذ دوره داخل الملعب فى الأطار الفنى والتكتيكى للجهاز الفنى . الننى فى مبارة اوغندا وبالأخص فى الشوط التانى وبعد خروج طارق حامد وتحول اسلوب اللعب من 4_4_2 الى 4_1_4_1 بوجود الننى كلاعب وسط مدافع بمفرده وبكده كان المطلوب من الننى انه يغطى مساحة وسط الملعب اغلبها بمفرده واللى نجح فيها بشكل هايل لحين مسانده عبدالله السعيد وتريزيجيه له وقطع الكورة وتسليمها لعبد الله السعيد لبناء الهجمات وربط الخطوط ببعضها واللى نجح فى عبدالله السعيد بشكل كبير والتحدث بلغة الارقام هيكون افضل
النني جري في مباراة اوغندا 11 كيلو تقريبا
عمل 18 سبرينت
دقة الباص بتاعته كانت 82 % تقريبا
قطع الكرات 11 كورة
ضيف للأرقام ان ارضية الملعب فى منتهى السوء بكده يكون الننى من افضل لاعيبة المبارة..
يبدو للبعض انه لم يكن موفقا في بعض الأشياء ولكنه ينفذ المطلوب منه داخل الملعب وبشكل هايل ..
يجب على الجميع مابين جمهور ونقاد ومحللين ان لا يتعملو مع الننى كا سوبر مان او شخصية خارقة او انه ميسى او كريستيانو .الننى لاعب وسط ملعب كلاسيكى بينفذ المطلوب منه انه يباص الكورة بأسهل مايمكن وبشكل سليم ونقدر نشوف ارقام الباص السليمه مع المنتخب او الارسنال.الننى مع الارسنال بنشوفه بيوصل لمنطقة جزاء الخصم وبيسدد على المرمى ولنا فى هدفه فى برشلونة خير مثال لكن مع المنتخب لا يكلف بهذا الدور دوره دفاعى بشكل اكبر.
الننى كالاعب رمز لقصة تحدى تحترم لاعب النادى الاكبر والاشهر فى مصر وهو الاهلى استغنى عنه وذهب للمقاولون العرب وكا اى لاعب فى مكانه هيحاول يثبت نفسه عشان يرجع يلعب تانى فى الاهلى او الزمالك وعلى عكس المتوقع يذهب للأحتراف فى بازل السويسرى وكان المتوقع انه هيرجع فى اقرب طيارة زاى لاعيبة كتير قبله فا كمل الننى اتقال وقتها وبعد انتقال محمد صلاح لتشيلسى الانجليزى ان الننى صعب يخرج من بازل ويخوض تجربة احتراف فى دورى اقوى من سويسرا وده بحجة ان امكانياته محدوده وغير مؤهل لخطوة اكبر .
فجاءة الننى اتم انتقاله للدورى الانجليزى ولأكبر نادى فى انجلترا هو ارسنال الانجليزى وعلى عكس المتوقع كالعاده الننى اساسى فى ارسنال ومن اهم لاعيبة ارسين فينجر اللى دائما يشيد بيه وبأمكانياته واحنا هنا فى مصر نتفنن فى احباطه وهدمه وكل زنبه انه ملعبش اهلى او زمالك ويتم عمل هالة اعلامية حوله زاى مثلا رمضان صبحى مابيلعبش مع ستوك سيتى والاعلام والنقاد يتغنى بأمكانيات وموهبة رمضان اللى مافيش خلاف عليه طبعا ..
الننى رمز ومثل وقدوة للأجيال قادمة بتحلم انها تحقق ما حققه لاعب مجتهد اسمه محمد الننى ..
